„აი ფი ემ“ აგრძელებს სარეკლამო ბაზრის მიმოხილვას და ამჯერად გთავაზობთ საწვავის სარეკლამო სტატისტიკას. 2022 წლის მეორე კვარტალში ბენზინგასამართმა სადგურებმა ტელევიზიაში სულ 1317 სარეკლამო რგოლი განათავსეს. აქედან ყველაზე მეტი რეკლამა ეკუთვნის გალფს - 1016, მეორე ადგილზეა ვისოლი – 163 რგოლი. სურათზე ნაჩვენებია 2022 წლის მეორე კვარტალში საწვავის იმპორტიორი კომპანიების მიერ ტელევიზიაში განთავსებული სარეკლამო რგოლების რაოდენობა.
გალფმა ყველაზე მეტი რგოლი (1016) ტვ პირველზე განათავსა, ვისოლმა (82) მთავარზე, სოკარმა (138) მთავარზე.
სურათზე ნაჩვენებია კომპანიების მიერ ტელევიზიაში განთავსებული სარეკლამო რგოლები კონკრეტულ ტელევიზიებში.
საწვავის კატეგორიაში ყველაზე დიდი ინვესტიციაც გალფმა განახორციელა. მის მიერ დახარჯული თანხა მოცემულ პერიოდში 1 023 371 ლარია. გრაფიკზე ნაჩვენებია 2022 წლის მეორე კვარტალში ბენზინგასამართი სადგურების მიერ სატელევიზიო რეკლამაში დახარჯული ინვესტიცია.
