უკრაინის მართლმადიდებელ ეკლესიაში მიმდინარე პროცესების შესახებ ყველაზე ნაკლებად ინფორმირებულები არიან 35 წლამდე ახალგაზრდები.
ამავე დროს, ეს ასაკობრივი ჯგუფი ყველაზე მეტად უჭერს მხარს უკრაინული
მართლმადიდებელი ეკლესიის ავტოკეფალიას.

უკრაინის მართლმადიდებელი ეკლესიისთვის ავტოკეფალიის მინიჭების შესახებ ბრძანებას კონსტანტინეპოლის პატრიარქმა ხელი მიმდინარე წლის 5 იანვარს მოაწერა. სხვა ეკლესიების მხრიდან ამ ფაქტის აღიარების და მხარდაჭერის საკითხი ბოლო პერიოდში აქტიური განხილვის საგანი გახდა.
ამ საკითხზე „აიფიემ მარკეტ ინტელიჯენს კაუკასუსმა“ საქართველოს მასშტაბით გამოკითხვა ჩაატარა, რომელშიც მონაწილეობა 1000-მა რესპონდენტმა მიიღო. მოქალაქეების მოსაზრებას, უნდა დაუჭიროს თუ არა ქართულმა მართლმადიდებელმა ეკლესიამ მხარი უკრაინის ეკლესიის ავტოკეფლიას, ამ სტატიაში გაეცნობით.
კვლევის მიხედვით, უკრაინის მართლმადიდებელი ეკლესიის მიერ ავტოკეფალიის მიღების საკითხი უმეტესობისთვის ცნობილი აღმოჩნდა (57.5%). ასაკის მიხედვით ამ საკითხის ცნობადობის განხილვა გვიჩვენებს, რომ შედარებით მაღალი ცნობადობა 55+ ასაკის რესპონდენტებს შორისაა (67.1%), ვიდრე უფრო დაბალი ასაკობრივი კატეგორიის რესპონდენტებთან. ასევე, ქალაქში მცხოვრებ ადამიანებს უფრო მეტად აქვთ ინფორმაცია ამ საკითხთან დაკავშირებით (60.1%), ვიდრე სოფლად მცხოვრებთ (55.2%).

რესპონდენტებმა ასევე უპასუხეს კითხვას, მათი აზრით, უნდა დაუჭიროს თუ არა ქართულმა მართლმადიდებელმა ეკლესიამ მხარი უკრაინის მართლმადიდებელი
ეკლესიის ავტოკეფალიას. როგორც აღმოჩნდა, 18-34 ასაკობრივ კატეგორიაში ამ საკითხში უკრაინის მართლმადიდებელი ეკლესიის მხარდაჭერას უფრო მეტი მომხრე
ჰყავს (60.1%), ვიდრე უფრო მაღალი ასაკის მქონე რესპონდენტებში. ასევე, ქალაქში შედარებით მეტი რესპონდენტი პასუხობს დადებითად მხარდაჭერის საკითხს, ვიდრე სოფელში.

საერთო ჯამში, რესპონდენტთა უმეტესობა (58%) მიიჩნევს, რომ ქართულმა მართლმადიდებელმა ეკლესიამ უკრაინის მართლმადიდებელი ეკლესიის ავტოკეფალიას
მხარი უნდა დაუჭიროს.

სიახლეები

ნავთობკომპანიები მედიაში, 2021 წელი

  • 2021-11-29

2021 წელი მიწურულს მიუახლოვდა და როგორც სჩანს, წლის ერთ-ერთი ყველაზე რეზონანსული და ამაფორიაქებელი მედია თემა, უდავოდ იქნება საწვავის ფასების რეკორდული ზრდა. წლის დასაწყისიდან დღემდე, ანტი რ...

არჩევნები 2021- პოლიტიკური პარტიების სარეკლამო აქტივობა

  • 2021-11-26

„აი ფი ემ კვლევები“ აგრძელებს სატელევიზიო სარეკლამო ბაზრის გაშუქებას და ამჯერად გთავაზობთ 2021 წლის მესამე კვარტალში პოლიტიკური პარტიების მიერ წინასაარჩევნოდ განხორციელებულ სარეკ...